25.10.08

Республика күні!

Қазақстан Республикасы күні - еліміздің әр азаматы үшін шуақты да маңызды күн. Ата-баба өсиеттерін сыйлау, халқының салт-дәстүрін құрметтеу және туып өскен еліңді сүю қоғамымыздың негізгі құндылықтары болып табылады.

Соңғы жылдары мереке күндері ұйымдастырылатын бағдарламалардың сан-алуан түрлері көбеюде.

"Думан" Ойын-Сауық Орталығында бірде-бір мерекеге тиісті деңгейде көңіл бөлінбей қалған емес. "Думан" қазақ елінің ауыз әдебиеті мен би шеберлеріне қаншалықты бай екенін көрсететін дарынды орындаушылардың өзіндік шығармашылық орталығына айналған. Әншілер, би ұжымдары мен музыканттар біздің елімізде тұрып жатқан ұлыс халықтарының жоғары мәдениетін көрсете отырып, келушілердің көңіліне жылулық ұялатты.

Бір орында отыра алмайтын кішкентай келушілеріміз үшін көңілді қылжақбастардың қатысуымен жеке қызықты ойын-сауықтар ұйымдастырылды. Олардың күлкілері мен дауыстары орталықтың барлық жеріне жетіп жатты.

25, 26, 27 қазан күндері Мұхитаралдың су асты патшалығына кіруге ұсынылған жеңілдіктер қонақтарымызды бір қуантып тастады. Балалар билетінің құны - 200 теңге, ересектер үшін - 350 теңге болды. Осы мереке күндері кешенге 11 020 адам келді.

01.01.08

Егде адамдар күні!

"Думан" Ойын-Сауық Орталығы өзінің ашылған алғашқы күндерінен-ақ атап өтуді дәстүрге айналдырған мерекелерінің бірі - Егде адамдар күнін мерекелеу болып табылады. Кешен ұжымы жасы келген адамдарға ерекше қамқорлықпен қарайды.

Ауа-райы шуақты да жылы болған 1 қазан күні "Думан" өзіне қонаққа келген қарт адамдарды құшақ жая қарсы алды.

Бұл мереке орындаушылары халық аспаптарының құлағында ойнай білген "Өткен жылдар әуендері" аттты аспаптық музыка концертімен басталды, сондай-ақ барлығының сүйікті әуендері мен әндері орындалды.

Әсіресе "Есіңде ме сол бір кез" шығармашылық кездесуі аталар мен әжелердің көңіліне жылулық ұялатты. Көңілдері ынта мен шаттыққа толы аға ұрпақ өкілдері әндер мен әзіл-қалжың тақпақтар айтып, өлеңдер оқып, би билеп, өздерін, сондай-ақ жан-жағындағыларын қуаныш пен рахатқа бөледі.

Мереке жалғасып жатты... Ұйымдастырушылар түрлі байқаулар мен викториналар өткізіп, онда барлық қатысушылар өздерінің көңілдерін көтеріп қана қоймай, сонымен қатар естелікке сыйлықтар алып жатты.

Әдеттегідей, 1 қазан күні зейнеткерлер және олармен еріп жүрген жақындары үшін Орталыққа кіру - тегін, ал Мұхитаралға кіру бағасы бар болғаны 100 теңге болды. Керемет күйдегі уақыттарын өткізуді жалғастыру үшін қарт адамдар "Торнадо" дәмханасына шай ішуге шақырылды.

20.09.08

Мемлекеттік тіл - менің тілім!

Жыл сайын болатын Қазақстан халықтарының тілдері фестивалі биыл 22 тамыз бен 22 қыркүйек аралығында болып өтті. Осы фестиваль аясында барлық мемлекеттік мекемелерде, кітапханалар мен оқу орындарында тіл, ауыз әдебиеті, халық даналықтары мен салт-дәстүрлер туралы тақырыптарға түрлі конкурстар, викториналар, "дөңгелек үстелдер" мен семинарлар ұйымдастырылды. Фестивальде Қазақстанда тұратын ұлыс халықтарының мемлекеттік тілді меңгеру деңгейі және олардың қазақ филологиясына деген сүйіспеншілігі мен құрметі көрсетілді.

Астананың барлық іс-шараларына өзінің жылдар бойғы қызметінде белсенді түрде қатысатын "Думан" Ойын-Сауық Орталығы 20 қыркүйек күні "Мемлекеттік тіл-менің тілім" атты тақырыпта Қазақстан халықтарының тілдері күнін атап өтті.

Қызықты бағдарлама қылжақбастар қарсы алған кішкентай бөбектерден басталды. Олармен өткізілген көңілді де қызықты конкурстар мен әзіл-қалжың ойындар тек мемлекеттік тілде болды. Астананың кішкентай тұрғындары мен қонақтарының қазақ тілінде таза сөйлеп, қазақ тілінің қыры мен сырын меңгере білгендігі қуанышты-ақ.

Ал жеткіншектерімізге танымдық викториналар мен конкурстар ұсынылды. Жеңімпаздарға естелікке сыйлықтар берілді.

Аудиторияны өздерінің жанып тұрған өнерлерімен баурап алған жергілікті әншілер, халық аспаптары мен би ұжымдары ұсынған концерттік бағдарлама кештің шарықтау сәті болды. Концертпен қоса келушілермен алуан түрлі ойындар жүргізіліп, оның қорытындысы бойынша қатысушыларға мәні мен маңызы зор сыйлықтар - қазақ тілінің синонимдер мен антонимдер және орфографиялық сөздіктері, сондай-ақ қазақтың ұлы жазушыларының әдеби кітаптары тапсырылды.

Қазақ тілі мерекесі көңілге өте қонымды болып өтті, толып жатқан қуанышты сезімдерге бөлеп, кешен қонақтарын ерекше күйге бөледі.

30.08.08

Қазақстан Республикасының Конституциясы күні!

Қазақстан Республикасының Конституциясы күні – бұл еліміздің мемлекеттік мерекесі. Конституция республиканың барлық азаматтарының құқықтары мен бостандықтарын қорғап, кепілдік береді.

Қуанышты әрі тарихи маңызы зор бұл күні барлық отандастарымыз бен Қазақстанға келген қонақтарымыз мерекеден қалыспай, өздерінің көңілдерін көтеріп, жай ғана дем алғылары келді.

Осындай кездерде “Думан” Ойын-Сауық Орталығы уақыт өткізетін керемет орын болып табылатыны хақ. Бұл жерге жай күндері келсеңіз де көңіліңіз жайланып, рахатқа батасыз. Ал мереке күндері кешенде келушілеріміз жанға жайлы керемет бір толқынды сезімдерге бөленеді.

30 тамыз күні мереке “Думанның” күмбезді кеңістігінде жергілікті вокалдық және би ұжымдарының өнерлерімен басталды. Шығармашыл адамдар, әдетте оларды осылай атайды, келушілерді көзді ашып-жұмғанша өздеріне баурап алды. Олардың әндері мен билеріне беріліп кеткен адамдар орындарынан тұрып, кәсіби бишілердің түсіне де кірмеген қимылдар жасап, мың бұралып, билей бастады. Жанға жайлы әндері жақындап қалған жылдың тамаша күз мезгілін сезіндіріп, ерекше бір күйге бөледі. Айтпақшы, бұл ойын-сауық орталығы жастардың да, сонымен қатар аға ұрпақ өкілдерінің де, жыл мезгілдері мен ауа-райына қарамастан, бір-біріне кездесу белгілеп жататын сүйікті орындары болып табылады. Себебі “Думан” келушілерге әлемдік деңгейде қызмет көрсете біліп, өздерінің қызықты ойын-сауықтарымен келушілердің жүректерін жаулап алған.

Кешенде кез-келген жастағы келушілерді құрмет тұтады. Оның ішінде кішкентай ғана бөбектеріміз де бар. Олар үшін өздерін қызыққа батырып қана қоймай, сонымен қатар сыйлықтар да беріп жататын астанамыздың қылжақбастары арнайы шақырылады.

Алайда, “Думан” әкімшілігінің Астана тұрғындары мен қонақтарына дайындаған сыйлықтары бұныменен бітпейді. Бұл мереке күні Мұхитаралдың таңғажайып су асты әлеміне ену билетінің төмендетілген құны келушілерімізді бір қуантты. Билет құны ересектер үшін – 500 теңге, балалар үшін - 200 теңге болды. 30 тамыз күні “Думанға” 3195 адам келді.

11.07.08

Журналистика күні!

Іске қосылып, пайдалануға берілген уақыттан бері "Думан" ойын-сауық орталығының көптеген серіктестері мен жақтастары және достары пайда болды. Орталық ұжымы өздерінің достарының кәсіби мерекелері мен олардың өміріндегі маңызды оқиғаларды ешқашан естерінен шығарған емес. Осындай мерекелердің бірі - Журналистика күні болып табылады. Кешеннің қаламмен шебер жұмыс жасай білетін достары жетерлік. Олар сөз тарландары болып табылатын нағыз шығармашыл тұлғалар.

Жыл сайын "Думан" бұқаралық ақпараттар өкілдерін мерекелерімен құттықтау үшін Орталыққа арнайы шақырады. Дәстүр бойынша Күмбезді Кеңістікте оларға "Думан" Ойын-Сауық Орталығы атынан төмендегі сыйақылар тапсырылды:

-100 000 теңге көлеміндегі сыйақы жазушы-журналист Рахымбек Смағұлға, "Думан" Ойын-Сауық Орталығы тақырыбына адалдығы үшін әрі осы Қоғамның өмірін кеңінен насихаттай білгені және көп жылдық қызметтестігі үшін;

-100 000 теңге көлеміндегі сыйақы "Республика.kz" республикалық газетінің журналисі Рафкат Ильмираға, тұрақтылығы және "Думан" Ойын-Сауық Орталығының бірегейлігін стандартты емес шығармашылықпен аша білгендігі үшін;

-50 000 теңге көлеміндегі сыйақы "Хабар" телекомпаниясының журналисі Әбілдин Нұрланға, "Думан" Ойын-Сауық Орталығы өмірін жан-жақты, оптималды және ерекше насихаттай білгені үшін;

-50 000 теңге көлеміндегі сыйақы "Хабар" телекомпаниясының журналисі Құлшар Айжанға, "Думан" Ойын-Сауық Орталығының өмірін жан-жақты, оптималды және ерекше насихаттай білгені үшін;

-50 000 теңге көлеміндегі сыйақы "Астана мейрамханалары" газетінің авторы Перминова Иринаға, "Думан" Ойын-Сауық Орталығына тұрақты ақпараттық қолдау көрсеткені және шығармашылық қызметтестігі үшін;

-40 000 теңге көлеміндегі сыйақы "Эра-TV" телекомпаниясының журналисі Кенже Кәрібаеваға, "Думан" Ойын-Сауық Орталығы тіршілігін оперативті және ізгіниетшілік пейілмен насихаттай білгені үшін;

-40 000 теңге көлеміндегі сыйақы "Эра-TV" телекомпаниясының журналисі Анель Таңатарқызына, "Думан" Ойын-Сауық Орталығы тіршілігін оперативті және ізгіниетшілік пейілмен насихаттай білгені үшін;

-30 000 теңге көлеміндегі сыйақы "КТК" телекомпаниясының журналисі Цой Ольгаға, "Думан" Ойын-Сауық Орталығының өміріне объективті қатынасы үшін;

-30 000 теңге көлеміндегі сыйақы "Вечерняя Астана" газетінің журналисі Қасымова Эльмираға, "Думан" Ойын-Сауық Орталығы туралы сюжеттерінің өзектілігі мен толықтығы үшін.

Сонымен қатар кешен әкімшілігі келесі ұжымдарға алғыс хаттар тапсырды:

-"Егемен Қазақстан" республикалық газеті ұжымына, ұзақ та жемісті қызметтестігі үшін және "Думан" Ойын-Сауық Орталығының қызметін насихаттауда шығармашылық қатынасы мен түсіністігі үшін;

-"ЭРА-ТВ телекомпаниясы" ЖШС ұжымына, белсенді қызметтестігі мен іске жауапты әрі шығармашыл қатынасы және "Думан" Ойын-Сауық Орталығының қызметін насихаттауда позитивті көзқарасы үшін.

Соңынан салтанат қонақтары үшін аспаптық ансамбльдің қатысуымен концерттік бағдарлама және фуршет ұйымдастырылды.

Кештің ресми бөлігінен кейін журналистерге балалардың арман шыңы болып табылатын Мұхитаралдағы "Су перісі" атты жаңа шоуды тамашалау, сонымен қатар жаңаланған 5D кинотеатрына кіріп, бір сәтке таңғажайып фантастикалық әлемнің негізгі кейіпкерлеріне айналу мүмкіндігі ұсынылды.

06.07.08

Астананың туған күні!

Еліміздің елордасы Астана қаласының ең алғашқы мерейтойы барша қазақ халқының мерекесіне айналды. Бүгінде біз Егемен Қазақстан Республикасы астанасының жарқын әрі керемет жылдамдықпен өсіп, дамып келе жатқанын мақтанышпен айтамыз.Әр қаланың өзінің тарихы бар және 10 жыл - көп уақыт емес, бірақ оны, өзіміздің тәжірибеміз көрсетіп отырғандай, дұрыс әрі тиімді пайдалануға болады. Оның дәлелі болып қаламыздағы көздің жауын алатын керемет ғимараттар мен құрылыстар табылады. Дегенмен де, өкіметіміздің негізгі байлығы мен барлық күш-жігер жұмсауының мақсаты - халыққа қолайлы жағдай жасау. Иә, халық - негізгі байлық!

Апта бойы өкімет пен әлем қоғамдастығының назары Мерейтойдың өте керемет болып тойлануында болды. Дәстүр бойынша Туған күн күні сыйлықтар беріледі. Сыйлықтар әртүрлі болды, барлығы көңілден шығып жатты. Олар орнатылған ескерткіштер мен монументтер, саябақтар, тамаша әндер мен билер, сонымен қатар елдердің жылы лебіздері мен тілектері болды.

Астанамыздың мәдени орталықтарындағы өтіп жатқан мерекелік барлық іс-шаралар көңіл қуантарлықтай. Ал осы оқиғалардың бір бөлігі болу - тіпті де қызық.

4-5 шілде күндері "Думан" Ойын-Сауық Орталығында неке қию салтанаты болып өтті. Екі жүрек қосылған жұптардың жалпы саны - 140-тай болды.

Үйлену тойы - жүрек толқытатын керемет бір жағымды оқиға. Бұл күн туралы естеліктер өмір бойы сақталады. Сондықтан дәл осы күні ерекше қуанышты сәттердің көп болғаны абзал.

Мереке күндері "Думанда" некелерін қиған жастар дәстүрлі емес, ерекше түрде ұйымдастырылған бұл қуанышқа өте риза болды. Олар бір сәтке, жанұялық сурет альбомының ерекше беті болып қалатын, ертегі еліне енгендей сезімде болды.

Барлық мерекелік күндері ойын-сауық орталығының қонақтары үшін бар күш-жігерлерін өздерінің әндерімен көңіл көтеруге жұмсаған жергілікті әншілердің қатысуымен концерттік бағдарламалар өткізілді. Ал кешеннің сүйікті келушілері - бөбектер қылжақбастардың қызығына батып, олардың ұйымдастырған әзіл-қалжың мен жарыстарына қатысты.

Ешбір күдіксіз, бұл күндері мұхитарал мен 5D кинотеатрға кіруге берілген жеңілдіктер көңіл қуантты:

 Мұхитаралға кіру ересектер үшін - 450 теңге, балалар үшін - 150 теңге;

 5D кинотеатрға кіру ересектер үшін - 300 теңге, балалар үшін - 100 теңге болды.

6 шілде - Астана қаласының 10 жылдығы күні ғана кешенге 12 088 ересек адамдар және 2 688 бала келді. Барлық мереке күндері "Думанға", тегін кіру құқығы бар адамдар мен астана қонақтары - делегацияларды есептемегенде, 32 545 адам, оның ішінде 5 774 бала келді.

Назар аударыңыздар! "Думан" Ойын-Сауық Орталығының әкімшілігі 10 жылдық мерейтой құрметіне қалалықтар мен астана қонақтарына өзінің сыйлықтарын ұсынды. Ол 3D кинотеатрын 5D кинотеатры етіп жаңалау болды. Кинотеатрда келесі қосымша ерекшеліктер пайда болды: жел мен түтінді, туман мен жаңбырды, жарқылдаған найзағай мен атылыстарды сезіну. Келушілер енді экранда болып жатқан оқиғаның тікелей қатысушысы болып, фильмнің кейіпкерлері тап болған жағдайларды сезінеді. Орталық ұжымы бұл жаңарту жұмыстарын өз күштерімен атқарды. Бұл олардың өздерінің қызметіне шынайы әрі ессіз берілуінің тағы бір дәлелі.

01.07.08

Бейнелеу өнерінің шебері !

1 шілде күні "Думан" Ойын-Сауық Орталығында жетім балалар мен мүмкіндігі шектеулі балалар үшін бейнелеу өнері бойынша бірегей шебер сабағы өткізілді. Іс-шара астананың 10 жылдық мерекесіне арналды. Бұл керемет сабақты өткізу үшін американдық суретші Джек Стюппин арнайы шақырылды.

Қайырымдылық бағдарлама "Думан" ОСО-ның серіктесі АҚШ елшілігінің мәдени бөлімі мен "Балалардың әлеуметтік бейімделу орталығы" ҚБ біріге отырып, сондай-ақ "Мүгедек балалар қоғамы" ҚБ-мен және Астана қаласы әкімдігінің ішкі саясаты департаментімен ұйымдастырылған.

22.06.08

Аға ұрпақ күні!

"Думан" Ойын-Сауық Орталығы 5 жылдан бері жыл сайын 22 маусымда, осы жылғы тәжірибе көрсеткендей басқа да ұйымдар атап өте бастаған, Аға ұрпақ күнін мерекелейді. Кешен ұжымы егде адамдарға көңіл бөлуде басқаларға үлгі бола білгенін мақтан етеді. "Думан" аға ұрпақ өкілдері үшін өзіндік кездесу орнына айналған.

Орталыққа келген сайын аталар мен әжелер ерекше бір сезімге бөленгендей болады. "Думанда" оларды аптаның кез-келген күні жылы шыраймен, құшақ жая қарсы алады. Ойын-сауық кешенінің қызметкерлері көңілі жарым, бірақ жаны қайсар адамдарды ренжітпей, оларға қуаныш сыйлап, көңілдерін көтерудің қаншама маңызды екенін жақсы түсінеді.

Дәстүр бойынша бұл күні жасы келген қонақтарымыз үшін орталыққа кіру тегін, ал Мұхитаралға кіру құны көңілге қонымды болды. Одан бөлек, жергілікті ән және би топтарының қатысуымен, түрлі репертуар барысында жасы да, кәрісі де қосылып, биге кірісіп кеткен, үлкен концерттік бағдарлама ұйымдастырылды. Бұл мерекелік күн аға ұрпақ өкілдеріне қызықты ойын-сауық бағдарламасымен ғана емес, сонымен қатар Торнадо дәмханасында ерекше күйде ұйымдастырылған дастархан басында достармен жүздесіп, қауышқандағы ерекше сезімдермен де мәңгілік есте қалары сөзсіз.

Ұйымдастырушылар аға ұрпақ өкілдеріне біздің болашағымыз жолында қосқан үлестері үшін бір емес бірнеше рет үлкен алғыстарын білдіріп, олардың алдында бастарын июге әзір.

01.06.08

Балаларды қорғау күні!

1 маусым – ежелден келе жатқан әрі сүйікті халықаралық мерекелердің бірі. Жаз маусымының алғашқы күні ересектер де, балалар да уақыттарын көтеріңкі көңіл-күймен өткізуге және керемет әсерлер алуға асықты.

Оқушылардың тамаша мезгіл - жазғы демалыстары қарсаңында, басым қызметі балалар үшін ойын-сауық ұйымдастыру болып табылатын, "Думан" бос уақытты өткізу және тынығу орталығы Ертегілер Алаңының орталық күмбезді кеңістігінде ерекше керемет мерекелік іс-шаралар ұйымдастырды.

Шоу өздерінің таланттарын тағы бір паш ете білген жергілікті бишілер мен әншілер ұжымының өнерлерімен басталды. Әдеттегідей, балалардың сүйікті қылжақбастары келушілерді өздерінің неше түрлі әзіл-оспақтарымен және түрлі сайыстармен, кейбірін ерекше атап өтуге болады, қызыққа батырды.

Аналарын барлық балалар жақсы көреді, ана туралы қаншама өлең шумақтарын біледі, қонақтарымыздың "Апамның бақыты" сайысында өздерінің ең жақын, ең қымбат әрі сүйікті жандары туралы көп әңгімелеуге тура келген балаларымызды тыңдауға мүмкіндіктері болды.

Бұл күнді жанұялық мереке деп атауға толық болады, оның нәтижесі ретінде "Біз біргеміз" атты керемет жанұялық сайыс ұйымдастырылды. Мұнда жанұялар өздерінің шапшаңдықтарын көрсетіп, секіргішпен секіріп және доппен ойнай білуде жарысқа түсті, ал жайбасарлар мен епсіздердің қимылдары қатысушылардың жүздеріне күлкі үйіріп, жеңіске ұмтылдыра түсті.

"Гладиаторлық алысулар" сайысы қатысушылар арасындағы ең күштілер мен ең жүректілерді анықтауға көмектесті. Барлық қатысушыларға "Думан" Ойын-Сауық Орталығы атынан естелікке сыйлықтар берілді.

Алайда, мұнымен "Думанның" сыйлықтары аяқталған жоқ. Бұл қуанышты күні балалардың жас шамасы 16 жасқа дейін деп бекітілді, сонымен қатар олар орталыққа көңілге қонымды баға төлеп кіре алды: орталыққа кіру – 50 теңге, Мұхитаралға – 250 теңге және 3Д кинотеатрға – 150 теңге болды.

09.05.08

Жеңіс күні!

"Ешкім де, ештеңе де ұмытылмайды"

Өзінің іске қосылған алғашқы күндерінен бастап-ақ Ойын-Сауық Орталық ұжымы бас директор Мәтжанова Патима Тұралықызының басшылығымен алдымен әлеуметтік қамтылмаған халық қатары – балалар мен егде адамдарға бағдарланған компанияның әлеуметтік миссия бағытын дайындады.ҰОС-ның ардагерлері мен оған теңестірілген тұлғалар "Думанға" тегін кіреді. Компания бұл саясатты 5 жылдан бері ұстанып келеді. Шын жүректен қол ұшын беру, қуаныш сыйлау, көңіл бөлу біздің жетістіктеріміздің кепілі болды.

Ұлы Жеңістің 63 жылдығын мерекелеу күні "Думан" Ойын-Сауық Орталығы қонақтарымызды - біз және біздің балаларымыздың бейбіт өмір сүру құқығы үшін қан төккен адамдарды тік тұрып қарсы алды. Бұл салтанат соғыс жылдарындағы ғазиз көңілді әндерді орындаған жергілікті әншілер мен би ұжымдарының театрланған үлкен қойылымдарымен басталды.

Әдеттегідей, бұл күні барлық зейнеткерлердің "Думанға" тегін, ал мұхитаралға болмашы ғана құн төлеп кіруге мүмкіндіктері болды.

Батырлық пен ерлік мерекесі "Торнадо" кафесінде жалғастырылды, онда біздің кешенімізді уақытын мәдениетті түрде өткізу, достарымен жүздесіп, араласатын өзіндік орынға айналдырған аға ұрпақ өкілдері үшін дастархан ұйымдастырылды.

Ең кішкентай келушілеріміз үшін қылжақбастар қызықты жарыстар, викториналар, ойындар өткізді, соңынан қатысушыларға естелік сыйлықтар берілді.

Ұйымдастырушылардың барлық еңбектері мен жігерлері келушілердің көтеріңкі көңіл-күйлерімен және олардың ризашылдықтарымен бағаланды.

06.05.08

"Думан" Ойын-Сауық Орталығына 5 жыл!

"Думан" Ойын-Сауық Орталығы алтыншы мамыр күні өзінің туған күнін атап өтті. Бес жыл бұрын бұл күні оның салтанатты ашылуы болған еді.

Бұл күні "Думан" ұжымы қонақтарға астана әншілері мен музыканттарының шығармашылығын тарту етті, олар өздерінің өнерлерімен баршаның көңілін көтеріп, аудиторияны жандандыра түсті. Түрлі жас шамасындағы барлық адамдар әуен ырғағында бірін-бірі биге шақырып жатты. Ал кішкентай бөбектеріміз көңілді қылжақбастардың қызықты жарыстарына қатысып, әзіл-қалжыңдарын тыңдап, қызыққа батты. Иә, ересектер де, балалар да қуанышты сезімдерге бөленіп, тамаша естеліктер мен бір сәт болса да бақыт құшағына оранғандай болды.

Біздің мерейтой қуанышымызды бөлісе келген әрбір келушіге әуе шарлары тарту етілді. Жеңілдік пен еркіндік нышанының белгісі іспеттес болған әуе шарлары кешен ішін сиқырлы ертегіге айналдырғандай болды.

Барлық келушілер, түгелімен, Орталық пен Мұхитаралға тегін кірді. Арнайы жүргізілген санақ бойынша "Думанға" бұл күні 19 (он тоғыз)мың адам келді.

Кеш соңында берілген салюттың жұлдызды жаңбырлары бұл оқиғаны естен еш кетпейтіндей етті.

Кешен әкімшілігі мерекелік ахуал тудыру үшін бар күш-жігерлерін салды. Бұл іс-шара өте жоғары деңгейде өтті. Бұл ұйымдастырушылардың армандап жүрген мерекелері еді..

16.04.08

Жас Қанат!

Астанада жыл сайынғы "Жас Қанат" республикалық ән байқауы болып өтті.Бұл байқау еліміздің жас дарындарының есінде мәңгілікке қалары сөзсіз.Он төрт жас дарынды орындаушылар лауреат атағын алу құқығы және "алтын", "күміс" пен "қола" қанаттар - ең негізгі сыйлықтарды иелену үшін күресіп бақты.

Ең толқымалы-жеребе тастау сәті дәстүр бойынша байқаудың жыл сайынғы демеушісіне айналған "Думан" Ойын-Сауық Орталығының күмбезі астында өткізілді.Ұйымдастырушылар бұл іс-шараны барынша есте қаларлықтай болып өтуіне тырысып бақты. Бұл жылғы жеребе тастау теңіз тақырыбына арналды.Байқауға қатысушылар өздерінің нөмірлері жазылған теңіз аттарына,балықтар мен теңіз жұлдыздарына ұқсас әуе шарларын таңдап алды.Соңынан сәттілік үшін шарларын ашық аспанға ұшырды. Мұхитаралдың ғажайып әлемі мен 3М кинотеатрдан көрген қызықты фильмдер балалардың мерекелік көңіл-күйін шат-шадыман етті. "Думанмен" қоштасар сәтте бұл керемет кездесу балалардың естерінде мәңгілік қалуы үшін әрқайсысына сыйлықтар тапсырылды.

Ән байқауы өткен үш күн бойы Ойын-Сауық Орталығының әкімшілігі әр қатысушының өнерлерін саралады.Байқау соңында "Думан" Ойын-Сауық Орталығы АҚ-ның Бас директоры Мәтжанова Патима Тұралықызы ұжым атынан "Думан" Ойын-Сауық Орталығының арнайы сыйлығы – 150 000 теңге сыйақыны Орал қаласынан келген қатысушы Досаев Жанболатқа табыс етті. Жанболат байқаудың алғашқы күндерінің фовориті болды. Байқаудың екінші күні ол Арал тұралы ән орындады. Қазылар алқасы оның бұл орындауына қаталдықпен қарап,бұл ән оның әншілік дарынын аша алмады деген сын білдірді.Ал үшінші күні қазақтың әдемі бір лирикалық әнін құйқылжыта орындап,өзінің әншілік дарынының керемет шыңына шарықтай білді.Өкінішке орай,ол өзінің негізгі бәсекелестерін қуып үлгеріп жете алмады. Туған жер-Қазақстан, оның табиғаты туралы патриоттық ән мен Думан ұжымының өмірімен үндес экология тақырыбын таңдап алғаны әрі әнді шарығына жеткізе орындағаны үшін ол көрермендердің сүйіспеншілігі мен сый-құрметіне бөленіп, демеушісі "Думан" Ойын-Сауық орталығының ең биік қолдауына ие болды.

04.04.08

Қымбатты балалар! Құрметті ата-аналар!

ӨЗІНІҢ 5 ЖЫЛДЫҚ ҚҰРМЕТІНЕ"Думан" Ойын-Сауық Орталығы" АҚ сіздерге балалар салған сурет бойынша республикалық конкурс өткізілетіні туралы қуана хабарлайды. Конкурс тақырыбы - "Мен және "Думан".

Балалар, сендер "Думан" Ойын-Сауық Орталығын қалай Сендер біздің ойын-сауық нысандарымызды, көрікті жерлерді, Мұхитаралды мекен етушілердің суреттерін салуларыңа болады. Айтпақшы, бізге жақында ғана келген тасбақалардың суретін салып, оларға ерекше ат қойларыңа болады. Сендер салған суреттердің көлемі әртүрлі болуы мүмкін. Қатысушылардың жасына шек қойылмайды.
Ең әдемі сурет салған және тасбақаларға ерекше ат ойлап тауып, 1, 2, 3 орынға ие болған балалар велосипед, машиналар, цифрлі фотоаппараттармен және тағы да басқа құнды сыйлықтармен марапатталады.

Бiзге 5 жыл!

Салған суреттеріңнің астына аты-жөндерің, жас шамаларың толық жазылып, 2008 жылдың 15 мамырынан кешіктірілместен келесі мекен-жайға жіберілуі тиіс: Астана қ-сы, Қабанбай батыр даңғ., 4, "Думан"ОСО" АҚ, Маркетинг қызметі, "Конкурсқа" деп жіберіңдер. Анықтама тел: 8(7172) 24-24-85

"Думан және мен" балалар суреті байқауын өткізу туралы Ереже

22.03.08

Наурыз мейрамы!

Бағзы замандардан келген Наурыз мейрамы бүгінде көктем мерекесіне айналды.Наурыз әр кезде де қайта туудың,жаңғырудың және гүлденудің маусымы.Бұл күні тек жақсылық жайлы,мейірім туралы айтып,адамдар бір-бірлерін кешіріп,бірі-біріне мейман болады.

Қалыптасқан дәстүр бойынша "Думан"-Ойын-Сауық Орталығы 22,23 және 24 наурыздағы мереке күндері Елорда меймандары мен тұрғындарына "Мұхитаралға" және 3М кинотеатрға кіру құнына 30 пайыз жеңілдіктер жасап,мейрам ахуалын туғызып,тартулар сыйлады.

Орталыққа келушілер саз әуендері жас пен егделерге бірдей рухани сусын болған концерттік бағдарламаларды көріп,рахаттанды.

Ал,өз күштері мен шапшаңдықтарын сынап көргісі келгендер "Қазақша күрестің" спорттық сайыстарына түсті.Әуелінде балуандар мектебінің тәрбиеленушілері көрсетілімдік шоу ұсынды.Бұдан соң күштерін сынағысы келген әр кім де жарысқа қатысу мүмкіндігін алды.Жеңімпаздарға бағалы сыйлықтар тапсырылды.

Жас өрендерге айырықша назар аударылды.Олар үшін түрлі спорттық сайыстар,байқаулар мен жүлделік ойындар және сайқымазақтар қатысып,тартулар таратқан "Орта толсын" , "Мен-чемпионмын" , "Көңілді мәрелер" секілді шаралар көңіл көтерудің нағыз өзіне айналды. Сайып келгенде ,сый-сыйапаттар бұл күні байқауларға қатысқан адамдарға ғана емес,орталықтың нысандарынан ( дүкендерінен,дәмханаларынан, "Бөбекжай" ойын алаңшасынан) жәй ғана заттар сатып алушыларға да табыс етілді.Бұл үшін оларға сатып алған затының түбіртегін арнайы орында купонға айырбастау қажет болды.Осы купондар арқылы олар сыйлықтар ойналған шараға қатысты.

Мереке күндері "Думанды" 13 353 адам тамашалады.

08.03.08

Халықаралық әйелдер күні!

8 наурыз-Халықаралық әйелдер күні! Бұл күні нәзік жандар сыйлықтар алып, құттықтауларға бөленеді.Ал олардың серіктері болса,гүл сататын дүкендерде кезектерге тұрып, ардақтыларына қуаныш пен шаттық сыйлайтын тартулар алуға тырысады. Бүкіл маңды әтір мен гүлдің жұпар иістері жаулап алған...

Астанадағы "Думан"-Ойын-Сауық Орталығы көктемнің осынау тамаша күні-8 наурызда аяулы аруларға концерттік бағдарламалар ұсынып,тамаша көңіл күйлер сыйлады. "Ең көрікті және сүйкімді" шарасына қатысамын деушілерге де есік ашық болды.Шарт біреу-қосағың қасыңда болсын.Ал егер Ол жаныңда жоқ болса,залда отырғандар арасынан таңдап алуыңа болады.Әділқазылар да келушілер арасынан сайланды.Сегіз жұп оңай-ақ табылды.

Мерекеге қатысушы ерлерге қолдарына түскен заттардан ине-жіпсіз аяулыларына арнап "Золушка арудың ғажайып көйлегін" тігу міндеттелді.Дайын болған тартуларды шараны жүргізушілер де,қазылар да әділ бағалады.

Ал нәзік жандар өкілдері болса, "Мен-шаштаразбын" байқауында өз өнерлерін ортаға салды.Олар өз серіктерінің шаштарын "Ұзын шұлықты Пепи" үлгісімен сәндеуге түрлі-түсті резеңкелер мен шашбауларды пайдаланды. Байқауға қатысушылардың сахнаға шығуын күткен үзіліс сәттерінде көрермендер астаналық эстрада әрітистерінің өнерлерін тамашалады.

Байқаудың қортындысында шараға қатысушылар көтеріңкі көңіл - күй мен "Лагуна" бар-клубына екі адамға арналған мерекелік кешкі асқа жолдама түріндегі сыйлықты және футболкалар мен қолшатырларды, сондай-ақ "Мұхитаралды" тамашалауға екі адамдық шақыруларды жеңіп алысты. Сазды құрылым,жігер тұтатар билер,жайдары орта мен шат көңілдер көктем лебін сыйлады.

Мерекенің 8,9,10 наурызы күндерінде "Мұхитаралға" кіруге құнына 30 пайыз жеңілдіктер жасалды.Балалар да назардан тыс қалған жоқ.Өрендер болса, сайыпқыран сайқымазақтардың әзіл-оспақты ойындарына шаттана қол соғысып, "Көңілді мәрелер" , "Орта толсын" , "Мен-чемпионмын" байқауларына белсене қатысты. Аталған мерекенің 8,9,10 наурызы күндерінде "Думан" -Ойын-Сауық Орталығын 6 004 адам қызықтады.

01.01.08

Жаңа жыл!

Қыс айы - жылдың бір сиқырлы айы іспеттес. Қыс мезгіліндегі керемет оқиғалардың бірі көптен күткен біздің ең сүйікті мерекеміз Жаңа жылды қарсы алу болып табылады. Осы мереке күндері елдер бір-біріне шын ниеттен тілектер тілеп, тосын сыйлықтар беріп жатады.

"Думан" Ойын-Сауық Орталығы да дәстүр бойынша ойланбастан өзінің келушілерін таңғалдыратын және көңілдерін көтеретін іс-шараларға кірісіп-ақ кетті. Жаңа жыл қарсаңында және одан кейінгі күндері де біздің орталықта барлығы мерекелік көңіл-күйде болып, ерекше бір сезімге бөленіп жүрді. "Думан" небір тіс қаққан келушілердің де көңілінен шығып жатты. Оның ішкі және сыртқы жақтарының барлығы көздің жауын алатындай безендірілген еді. Жаңа жылдың атрибуты - шырша өзінің ерекше бір салтанатты келбетімен барлығының назарын өзіне қарай аударып әкетіп тұрды.

Ертеңгілікке қатысқан көптеген балақайлардың естерінде жасыл ару - шыршаны айнала шырқаған әндері мен билері ұзаққа дейін қалатыны сөзсіз. Астана балалары үшін тек ертеңгіліктер ғана емес, сонымен қатар мүмкіндіктері шектеулі балалар үшін жыл сайын өткізілетін қайырымдылық ертеңгіліктер ұйымдастырылды.

Жаңа жыл мерекесі өткеннен кейін-ақ оқушы балалардың қысқы демалыстары басталды. Бұл күндерін өткізетін ең керемет орын "Думан" Ойын-Сауық Орталығы болып табылды. Бос уақытты өткізу үшін мұнда барлық жағдайлар жасалған. Әдеттегідей, бұл күндері Мұхитарал мен 3М Кинотеатрына кіру үшін 30%-дан 50%-ға дейінгі жеңілдіктер қарастырылды. Сонымен қатар, өздерінің жан-жақты қабілеттіліктерін көрсететін "Алақай, демалыс басталды!", "Көңілді старттар", "Орта толсын", "Аузыңды ашып тұрып қалмай, бізбен бірге үлгер!" "Мен- чемпионмын!" атты қызықты ойын-сауық бағдарламалар, жарыстар мен ойындар өткізілді. Ал кішкентай балақайларға ертегінің кейіпкерлерімен бірге рольге еніп, олармен бірге қайғырып, керек жерінде көмекке баратындай күйге ұшыратқан "Жаңажылдық шытырмандар" атты ертегісі ұсынылды.

Жаңа жыл қарсаңында, 2007 жылдың желтоқсан айының 20-нан 31-не дейін, "Думан" Ойын-Сауық Орталығына 11 319 адам келіп, қызықтады. Ал 2008 жылдың 2-нен 10-на дейінгі қысқы демалыс күндері келген қонақтарымыздың саны 16 563-ке дейін жетті.